(ჯესი)
ელის ასეთმა საქციელმა ძალიან გამაოცა. ეს გოგო მართლაც რომ ყველაზე უცნაური ასებაა მთელს სამყაროში. დილით ისე თბილად მექცეოდა, შემდეგ კი უცბად დამირეკა და გამლანძღა. ჰმ! არა მართლა სასაცილოა. ნუთუ შესაძლებელია ადამიანს ხასიათი ყოველ წამს ეცვლებოდეს? როგორც ჩანს კი. მაგრამ ნეტა რა ბზიკმა უკბინა? ასე უხეშად ჯერ არასდროს დამლაპარაკებია, დღეს კი ჯერ კარგად გამლანძღა, შემდეგ კი არც დედამისის წინ დამაკლო და ბოლოს სრული სხელითაც მომმართა. არა, ამ ყველაფერს ავიტან, მაგრამ თან რომ იტყუება? დედამისს უთხრა საერთოდ არ მომწონსო, არადა როცა ვეხები გული ისე უცემს, რომ რამის ამოუვარდეს. ეს თუ არაფერს ნიშნავს, ის ხომ მართლაც მნიშვნელოვანია, რომ ელიმ ჩემს გამო თავისი უძვირფასესი კაბა გააფუჭა და კინაღამ ზღვაშიც დაიხრჩო. არა რა, ეს გოგო მართლა გამაგიჟებს. ან ეს შავი ვარდი საიდანღა მოიტანა? სად ვუშოვო ახლა მე მასსავით იშვიათი და მშვენიერი ყვავილი? ნუ ლოს-ანჯელესში ძნელი საშოვნელი არ იქნება, მაგრამ ამ სიცხეში არამგონია დიდხანს გაძლოს ამ ყვავილმა. მე კი ნამდვილად არ მინდა ის ყვავილი, რომელიც ელს შევადარე დამჭკნარი ვნახო. მოკლედ რომ ვთქვათ, ბევრი საქმე მაქვს, ალბათ რომ დავწვები მკვდარივით დამეძინება, მაგრამ ისე მაინც არ დავიძინებ ერთი რაღაც რომ არ გავაკეთო. ამ საღამოს ნახავს ელი, უყვარს თუ არა მებაღე!

(ელი)
ოთახში ასულმა ყურადღების გადასატანად მთელი გარდერობი გადმოვყარე და ის არ ვიკმარე, რომ ტაანსაცმელი ფერების მიხედვით მქონდა დალაგებული, ახლა ფერების ტონების მიხედვით დალაგებაც მოვინდომე. ეს საქმე სავარაუდოდ მთელ დღეს წაიღებდა და ფიქრის საშუალება აღარ მომეცემოდა, მეც ხომ სწორედ ეს მჭირდებოდა. არ უნდა მეფიქრა ჯესიზე, არ უნდა მეფიქრა ჩემს საქციელზე და მეცადა, რომ სულ ცოტა ხნით მაინც ისეთი ელი გავმხდარიყავი, როგორიც ვიყავი ჯესის გამოჩენამდე. მაგრამ ახლა უკვე “ძველი ელი” აღარ მომწონდა. მას ერთ სულელ, მეტიჩარა გოგოდ ვთვლიდი და სულაც არ მსურდა რომ მას დავმსგავსებოდი. ბევრი ვიფიქრე თუ ცოტა, დავასკვენი, რომ თუ ჯესი ჩემს სახლში იცხოვრებდა, ჩემი გეგმის განხორციელება შეუძლებელი გახდებოდა, ამიტომ რაღაც ისეთი უნდა გამეკეთებინა, რაც მასაც გაამწარებდა და მამასაც დაუკარგავდა ჯესის ნდობას. ასეთი რაღაცის გაკეთება კი ჩემთვის, მართლაც რომ ძალიან ადვილი იყო. ამ საქმეში ეშლის დახმარებაც კი არ დამჭირდება! ჰმ! თუ ყველაფერი ისე მოხდება როგორც დავგეგმე, მაშინ დღეს საღამოს ნამდვილი ბირთვული აფეთქება მოხდება!
ტანსაცმლის დალაგებამ როგორც ვიწინასწარმეწტყველე მთელი დღე წაიღო. როგორც იქნა ამ საქმეს მოვრჩი და ცოტა ხნით დასვენება გადავწყვიტე, რომ დაბლიდან მამამ დაიძახა:
-ელ, ჯეს, დაბლა ჩამოდით საქმე გვაქვს!
როდესაც დაბლა ჩავედი ჯესი უკვე იქ დამხვდა, თან სამუშაო ტანსაცმელიც გამოეცვალა. არა შეუძლებელია, მაინც როგორ ასწრებს ამდენ რამეს. არც მიკვირს რომ მამა ასე ენდობა!
-ბავშვებო, თქვენთვის კარგი ამბავი მაქვს-გვახარა მამამ-ამ კვირაში სკოლაში აღარ წახვალთ!
-რა მაგარია!-სიხარულისგან წამოიყვირა ჯესიმ
-რაა, რატომ?-ელდანაკრავივით დავიკივლე, როცა წარმოვიდგინე, რომ მთელი დღე ჯესის გვერდით ერთ სახლში უნდა ვყოფილიყავი.
-რა მოხდა ელ, რა გიხარია?-შეიცხადა მამამ-კიდევ მაქვს თქვენთვის ერთი სიურპრიზი, მე და დედა მთელი კვირით პარიზში მივდივართ ჩემს მეგობართან, ასე რომ სახლი მთლიანად თქვენს განკარგულებაშია, შეგიძლიათ ათასი წვეულება მოაწყოთ, მაგრამ წინასწარ გაფრთხილებთ, რომ დავბრუნდები სახლი ადგილზე დამხვდეს, თუნდაც გამურული!-მხიარულად გაიცინა მამამ.
-დიდი მადლობა მისტერ დეივ-შესძახა ჯესიმ და გაიცინა, აშკარად ბედნიერმა. ნეტავ რა ახარებდა ასე ძალიან?
-მადლობ მამა-ვუთხარი და მეც გავიცინე, ოღონდ ეს პანიკური სიცილი უფრო იყო, ვიდრე მხიარული!

(ელი)
ესეც ასე! მამამ მშვენიერი საჩუქარი გაგვიკეთა. მთელი ცხოვრება ამაზე ვოცნებობდი. მაგრამ ამ სიტუაციას ერთი პლიუსი მაინც აქვს-ვითარებას ჩემს სასარგებლოდ გამოვიყენებ და ჩემს გეგმას უფრო კარგად განვახორციელებ!

(ჯესი)
რა მაგარიაა! ჯერ კიდევ აღფრთოვანებული ვარ! არა მართლა მაგარი კაცია ეს დეივი რა. ასეთ სიურპრიზს ვერც კი ვინატრებდი. ძალიან მაგარია! თან ამ ყველაფერს კიდევ ერთი დიდი პლიუსი აქვს-აქვს-ვითარებას ჩემს სასარგებლოდ გამოვიყენებ და ჩემს გეგმას უფრო კარგად განვახორციელებ!

ფიკზე გადასასვლელად დააკლიკეთ სურათს =)
my blog <3
natuka