ჩემი გამარჯვებით გახარებული, აღარ შევწინააღმდეგებივარ ჯესის, რომ ახლა ზემოთ ავსულიყავით და ცოტა ხანი მოგვეცადა. შემდეგ მაშინვე ტელეფონს ვეცი და ჯერ სემს დავურეკე და კევინთან ერთად დავპატიჟე, იმიტომ რომ დარწმუნებული ვიყავი, რომ ეშლისთან სამსაათიანი საუბარი მელოდა წინ. სემი მაშინვე დამთანხმა, მისი ხმაც სულ სხვანაირად ჟღერდა, ის ბედნიერი იყო და ამას პირდაპირ ასხივებდა. შევუთანხმდი, რომ საღამოს რვა საათისთვის ჩემთან ყოფილიყო, ის კი დამპირდა, რომ კევინი არაჩვეულებრივ შოუს მოგვიწყობდა, იმიტომ რომ ის ბარმენი იყო. მოკლედ რომ ვთქვათ წინ დიდი მხიარულება გველოდა. სწორედ ასეთი უნდა ყოფილიყო ჯესის დაბადების დღე, მე კი შევძელი და ეს დღესასწაული მოვუწყვე.
სემთან საუბარი მალევე დავამთავრე, შემდეგ კი ეშლის დავურეკე. ჩემი ხმის გაგონებისთანავე იკივლა და მილიონი შეკითხვა დამისვა, მაგრამ როდესაც ვუთხარი, რომ ამ საღამოს ყველაფერს დეტალურად მოვუყვებოდი დამშვიდდა. შემდეგ მალევე გამითიშა, ასე თქვა საღამოსთვის უნდა მოვემზადო, შემდეგ კი რამე ნორმალური საჭმელი უნდა წამოვიღო, თორემ დარწმუნებული ვარ თქვენს ხელში მშიერი მოვკვდებიო.
მოკლედ, ყველაფერი კარგად მოგვარდა. საღამოს რვა საათზე გოგონები ჩემთან იქნებოდნენ, მანამდე კი სულ რაღაც ნახევარი საათი იყო წინ. მე და ჯესიმ ბოლო დეტალები შევამოწმეთ, რომ წვეულება არაჩვეულებრივი გამოსულიყო და შემდეგ დისკების შერჩევას შევუდექით. ამ საქმეში მე არ ჩავრეულვარ, რადგან მაინტერესებდა ამ საკითხში ჯესის როგორი გემოვნება ჰქონდა. მან კი ზუსტად იმ დისკებს დაადო თითი, რომლის ყველა სიმღერაც იმდენად მიყვარდა, რომ ზეპირად ვიცოდი.
როგორც იქნა რვა საათიც გახდა და ზუსტად ამ დროს ჩვენი ეზოს წინ ეშლის მერსედესი და კიდევ ერთი უცხო მანქანა გაჩერდა, რომლიდანაც სემი მიქნევდა ხელს. ალბათ ეს კევინის მანქანა იყო. ეშლი მაშინვე გადმოხტა მანქანიდან, ჩემსკენ გამოექანა და კისერზე ჩამომეკიდა.
-ეეელ, ვკვდები ისე მაინტერესებს რა უნდა გვითხრა ასეთი მე და სემს-აწიკვინდა ეშლი, შემდეგ კი მას სემიც მოჰყვა, რომლის გვერდითაც ქერა ბიჭი იდგა და თბილად იღიმებოდა.
-ელ გაიცანი, ეს კევინია-სემმა ერთმანეთი გაგვაცნო, შემდეგ კი ეზო მოათვალიერა და ჯესი რომ ვერ დაინახა მკითხა:
-ელ რა ხდება, სად არის ჯესი?
-არაფერი სემ, უბრალოდ უკანასკნელ დეტალებს აზუსტებს.
ამ დროს მთელს ტერასაზე შუქი ჩაქვრა და ჯესის დამონტაჟებული ფერად-ფერადი ნათურები აინთო, ყველაფერი ისე იყო, როგორც დისკოტეკაზე.
შემდეგ კი ჯესიც შემოგვიერთდა და ნამდვილი მხიარულებაც დაიწყო. პირველ რიგში, ყველამ დაბადების დღე მიულოცა, შემდეგ ცოტა დავლიეთ და კევინმა მართლაც რომ შესანიშნავი შოუ გვანახა. ყველაზე სასიხარულო ის იყო, რომ ბიჭებმა ერთმანეთს შესანიშნავად გაუგეს. ბოლოს კი მთელს ხმაზე მუსიკა ჩავრთეთ და მთლიანად ცეკვაში გადავეშვით.
სადღაც ოთხი-ხუთი საათის შემდეგ, როცა უკვე სასმელიც კარგად მოგვეკიდა და ცეკვითაც ისე ვიყავით დაღლილები, რომ ფეხზე ვეღარ ვდგებოდით ყველანი აუზის წინ შევიკრიბეთ. ბიჭები ერთად დასხდნენ და ფეხბურთზე დაიწყეს საუბარი, მე და სემი კი ეშლიმ ჰამაკთან წაგვათრია, აუზისგან მოშორებით და როდესაც კარგად მოვკალათდით, ცნობისმოყვარე თვალებით მომეშტერდა. გოგონებს აფსოლიტურად ყველაფერი მოვუყევი, არც ერთი წვრილმანი არ გამომრჩენია და სარდაფში მომხდარი ამბის შესახებაც ვუთხარი. ამის გაგონებისას ეშლიმ სიხარულისგან იკივლა, სემს კი თვალები გაუფართოვდა და შემდეგ მანაც თბილად გამიღიმა.
-როგორც იქნა ჩემნაირად აზროვნებას იწყებ ელ!-ჩამეხუტა ეშლი, რომელსაც არც სემი ჩამორჩა.
უკვე საკმაოდ გვიანი იყო, ცოტაც და მზე ამოვიდოდა, ამიტომ ბავშვებმა გადაწყვიტეს, რომ სახლებში დაბრუნებულიყვნენ, არც მე დამიძალებია მათთვის დარჩენა, იმიტომ რომ ჩემი ჩანაფიქრი უნდა განმეხორციელებინა. როდესაც ყველანი წავიდნენ და მე და ჯესი მარტონი დავრჩით, მხოლოდ მაშინ შევამჩნიე, რომ ჯესის ერთ ჭიქაზე მეტი არ ჰქონდა დალეული, აშკარად ნერვიულობდა, მე კი ეტყობა სასმელმა მომცა ამდენი გამბედაობა.
-ელ, დარწმუნებული ხარ? იცოდე ბოლოჯერ გეკითხები-მკითხა ჯესიმ, როდესაც ოთახში ავედით.
-ისე, როგორც არასდროს-ვუპასუხე გაბედულად.
ამ ერთმა სიტყვამ, ჯესის გამბედაობა შესძინა და მე უკვე ყველანაირად მას ვეკუთვნოდი, რითაც საოცრად ბედნიერი ვიყავი. ამ ღამეს მე მისი გავხდი.

ფიკზე გადასასვლელად დააკლიკეთ სურათს =)
my blog <3
natuka